කොම්පෝස්ට් පොහොර
හැඳින්වීම
සත්ව අපද්රව්ය හා ශාක කොටස් ක්ෂුද්ර ජීවීන්ගේ උපකාරයෙන් ජීරණය කොට නිපදවගනු ලබන පොහොරකි.මෙහි දී උෂ්ණත්වය හා තෙතමනය ක්ෂුද්ර ජීවීන්ට සුදුසු පරදී පවත්වා ගැනීම වැදගත් වනු ඇත.
නිපදවීමේ ක්රම
ගොඩ ක්රමය
කොටු රාමු ක්රමය
නිපදවීම සඳහා අවශ්ය ද්රව්ය
- සත්ව අපද්රව්ය - කුකුල් පොහොර , ගොම පොහොර, එළු පොහොර වැනි
- ශාකමය ද්රව්ය - වියලි ශාක පත්ර හා අමු කොළ අතු
- බෝග අවශේෂ - කුඩාවට කපාගත් කෙසෙල් කඳන්
- කොම්පෝස්ට් මුහුන් හෝ හොදින් දිරාගිය කොළ රොඩු
- කොම්පෝස්ට් ගොඩ වසා තැබීමට ප්රමාණවත් පොලිතින් කැබැල්ලක් හා කොහු ලණු කැබැල්ලක්, ප්රමාණවත් පරිදි ජලය
නිෂ්පාදනයට සුදුසු බිමක් තෝරා ගැනීම
- වර්ෂාවේ දී වතුරෙන් යට නොවන , හොදින් ජලය බැස යන සහ මද සවෙන සහිත සමතලා බිමක්
ගොඩ ක්රමයට කොම්පෝස්ට් පිළියෙළ කිරීම
- හොදින් බිම සමතලා කර වතුර නොරැදෙන සේ සකස් කර කොම්පෝස්ට් ගොඩෙහි දිග හා පළල සලකුණු කර ගන්න .
- ප්රථමයෙන් පස මතුපිට අඟල් 6 - 8 පමණ උස වියළි ශාක ද්රව්ය තට්ටුවක් අතුරන්න.ඒ මත සත්ත්ව පොහොර අඟල් 3 ක පමණ තට්ටුවක් අතුරන්න. ඊට උඩින් අමු කොළ, ලපටි අතු, අඟල් 6 - 8 ක තට්ටුවක් අතුරා ඒ මත , කොම්පෝස්ට් මුහුන් , වර්ග මීටරයකට ග්රෑම් 30 ක් පමණ වන පරිදි විසුරුවා හරින්න.
- ඉන්පසු මාරුවෙන් මාරුවට සත්ව අපද්රව්ය හා ශාක අප ද්රව්ය අඩි 5ක් පමණ උසට අතුරන්න. එසේ ඇසිරීමෙ දී සෑම තට්ටු දෙකක් අතරමට මුහුන් යෙදීම කළ යුතුය.
- සත්ව අපද්රව්ය නොමැති නම් , වියළි ශාක අපද්රව්ය හා අමු කොළ පොහොර මාරුවෙන් මාරුවට අතුරන්න.
- භාවිතා කරන ද්රව්ය පමණට වඩා වියළි නම් තට්ටුවක් ඇතිරූ පසු ජලයෙන් තෙත් කළ යුතුය.
- භාවිතා කරන යම් අමුද්රව්ය පමණට වඩා තෙත් නම් ගොඩ සැදීමේදී වියළි උපස්තරයක් මත ඇතිරීමට සැලකිලිමත් වන්න .
- කොළ පොහොර පමණක් භාවිතා කොට සකසන කොම්පෝස්ට් සාපේක්ෂව වැඩි කොම්පෝස්ට් අස්වැන්නක් සත්ව පොහොර ද යොදා ගැනීමෙන් ලබා ගත හැකි .
ගොඩ ගසා අවසන් කළ කොම්පෝස්ට් ගොඩ
පොලිතින් වසු කොම්පෝස්ට් ගොඩ
- තට්ටු අසුරා අවසන් වූ පසු ගොඩ වටේ පහළින් අඟල් 10 ක පමණ ඉඩක් ඉතිරි වන සේ පොලිතින් කැබැල්ලක් වසා ලණුවලින් හොඳින් ගැට ගසන්න.
- සෑම සතියකටම වරක්ම තෙතමනය හා උෂ්ණත්වය පරීක්ෂා කරන්න. තෙතමනය ප්රමාණවත් නොවේ නම් ජලය යොදා තෙත් කරන්න.
- පළමු සති 4 තුළ අතට දැනෙන තරමේ උෂ්ණත්වයක් ගොඩ තුල පවත්වාගත යුතුය.උෂ්ණත්වය අඩු නම් තෙතමනය පරික්ෂා කර වතුර යොදන්න.
- සති 4 කට පසු පළමු පෙරළීම සිදුකර නැවත ගොඩ ගසා පෙර පරිදි වසා තැබිය යුතු වන අතර, පළමු පෙරළීමෙන් සති හතරකට පසු දෙවන පෙරළිමද , දෙවැනි පෙරළිමෙන් සති හතරකට පසු තුන්වෙනි පෙරළිම සිදු කර සෑම පෙරළීමකටම පසුව පොලිතීනයෙන් වසා තබන්න.
- තුන්වන පෙරළීමෙන් පසු පොහොර භාවිතය සඳහා සුදුසු වේ
- තුන්වන පෙරළීමෙන් දිරාපත් වීම ප්රමාණවත් නොවේ නම් නැවත ගොඩ සකස් කර හොඳින් තෙත් කර අමතර සති දෙකක් තබන්න.
-
මෙම සෑම පෙරළීමකදි ම මුහුන් සහ ජලය මිශ්ර කර ගැනීම මඟින් නොදිරන ලද කොටස් කඩිනම්න් දිරාපත් කල හැකිය.
-
මේ අනුව මාස 3 - 3
කට පසු ගුණාත්මක කොම්පෝස්ට් පොහොර ඔබට නිපදවා ගත හැකි අතර , අඟල් දැලකින් හලා මලුවලට ඇසුරා නොතෙමෙන ස්ථානයක ගබඩාකර තැබීමෙන් අවශ්ය අවස්ථාවකදී භාවිතයට ගත හැක.